Kompression corablar varikoz xəstəliyin müalicə və profilaktikasında geniş istifadə olunur. Kompressiya dərəcəsinə görə corabların 3 növü vardır:
- I sıxlıq dərəcəsi - profilaktik məqsəd daşıyır.
- II sıxlıq dərəcəsi - varikoz damarlara müalicəvi təsir göstərir.
- III sıxlıq dərəcəsi - tromboflebit xəstəliyində məsləhət görülür.
Kompression corablar həkim-fleboloq tərəfndən təyin edilir. Onları xüsusi corab maqazinlərindən və yaxud apteklərdən əldə edə bilərsiniz. Əgər Sizə corab təyin edilibsə, onu almağa mütləq özünüz getməlisiniz. Belə ki, corablar ayaq ölçüsünə uyğun olaraq, fərdi qaydada seçilir.
Ayaqlarınızda şişkinlik və damar genişlənməsi varsa, corabı səhər yataqdan qalxmadan geyinməli və axşama qədər çıxarmamalısınız. Gecə yatdıqda corabı soyunmaq lazımdır.
Varikoz əleyhinə corablar həm də profilaktik məqsədlə geyinilir. Fitneslə məşğul olarkən, təyyarə və yaxud avtobusla səyahət edərkən, o cümlədən hamiləlik dövründə damarları qorumaq üçün kompression corablardan istifadə etmək tövsiyə olunur.
